Frank Gehryk diseinatu zuen eraikina: Nerbioi itsasadarraren ertzetan ainguratuta dagoen itsasontzi bat irudikatzen du, eta garai bateko Compañía de Maderas konpainiaren lursailetan kokatzen da. Guggenheim Bilbao Museoa XX. mendearen bigarren erdialdeko eraikinik bikainena omen da, eta hiriaren eta hiriko eraldaketa-prozesuaren ikur da, zeren eta hura eraiki izanak zeharo aldatu baitzituen ingurua eta hiriaren itxura. Arkitektoaren hitzetan, “lehengo portua eta oraingo hiria” ditu oinarri eraikinak.
Museoa 1997an zabaldu zenetik, milioi bat bisitarik bisitatzen dute urtean, 20 galeriatan antolatuta dauden arte garaikideko obrak ikusteko irrikan.
Guggenheim Bilbao Museoaren inguruetatik –berdeguneak eta plazak– ibiltzea merezi du: gizarteaz, kulturaz eta kirolaz gozatzeko elkargune erakargarriak dira.
