Hirian mugitzea

Bilbao

Bilboko mugikortasun alternatiboak aztertzea

Hiria trinkoa da, eta horrek, argi dagoenez, Bilbao hiriaren xarma areagotzen du. Hiritik mugitzea erraza da, eta, gainera, esperientzia eroso eta atsegina da garraio publikoko sare iraunkor eta modernoari esker. Metro sistema munduko onenetako bat da, eta autobus, tren eta tranbiak maiz dabiltza; hala, garraio eskaintza ona osatzen dute, Bilboko txoko nagusiak kostaldearekin eta urrunagoko inguruekin lotuz.

Hiriaren tamainak oinez ibiltzera animatzen ditu erabiltzaileak, baita bizikletaz ere, garraiobideak erabili eta hiriko paisaiak eta eraikinak ikusiz gozatzeko.

Metro Bilbao

Norman Foster arkitektoak diseinatu zuen, eta hiriaren sinbolo bihurtu da irisgarria, eraginkorra, diseinu bikainekoa delako. Metroaren «fosteritoak», alegia geltokien sarrera estaliak, bereizgarriak dira dagoeneko. Hiru linea ditu, eta hiritik mugitzeko modurik azkarrena izateaz gain hondartzetara eta hiriaren inguruko udalerri xarmagarrietara iristeko modua ere eskaintzen dute.

Goizeko 06:00etatik 23:00etara dago martxan, sei minutuero edo lehenago eguneko puntako orduetan. Igande eta jaiegunetan zerbitzuak hamar minutuero eskaintzen dira. Gaueko zerbitzuak ere badaude, ostiraletan 02:00etara arte eta larunbatetan gau osoan zehar.

Egoitzatik gertuen dagoen Metro geltokia: San Mames (Sabino Arana irteera).

www.metrobilbao.eus

Tranbia

Garraiobide honek Atxuriko geltokia eta La Casilla lotzen ditu, eta bidaia atsegina eskaintzen du alde zaharreko Erdi Aroko kaleak inguratuz, hiriko Zabalgunetik igaroz eta itsasadarraren estuario eta zenbait eraikin esanguratsuen paretik pasatuz.

Egoitzatik gertuen dagoen Tranbia geltokia: Euskalduna

www.euskotren.eus/es/tranviabilbao

Hiri barruko autobusak

Bilbobus hiriko hiri-autobusen sarea auzo guztietatik igarotzen da, eta, gainera, unitate gehienak mugikortasun urriko pertsonentzat egokituta daude. Sareak 35 linea ditu, eta goizeko 06:00etatik edo 07:00etatik gaueko 22:00etara edo 23:00etara funtzionatzen du. Zerbitzuen maiztasuna 10 eta 30 minutu artekoa da.

Horrez gain, gaueko autobusak edo «Gautxori» zerbitzuak ere badira; ordu erdiro igarotzen dira 23:00etatik 02:00etara edo 02:30era ostiraletan eta gau osoan zehar larunbatetan.

Egoitzatik gertuen dagoen autobus geltokia: Hiri barruko 28, 56, 62 eta A3 lineak
Geralekua: Jesusen Bihotza, n.º 1.

www.bilbobus.com

Bizikleta

Bilbon bada hiritik bizikletaz erraz ibiltzeko errei-sarea; garraio sistema iraunkorra, praktikoa eta egunero erabiltzeko modukoa garatzea du helburu. Turistentzako bizikletak alokatzeko enpresei buruzko informazioa hoteleko harreran eska dezakezu.