Zer ikusi eta egin
Bilbao ezagutzeko hainbat gauza dituen hiri dinamikoa da.
SUM Bilbao 21 ekitaldiari esker, hiri honen xarma ikusteko, Bilboko historiaren sinbolo diren obra arkitektonikoez gozatzeko eta zerk ematen dion hainbeste bizitza ezagutzeko aukera dago.
Gune honetan, bisitatu daitezkeen hainbat lekutako eta Bilbon zauden bitartean egin ditzakezun planen gomendioak daude.
ZER IKUSI
01
Ondare historiko-artistikoa & Bilboko gune bohemioa
Informazio gehiago02
Hedatzen ari den Bilboren isla
Informazio gehiago03
Hiri garaikidea eta berritzailea
Informazio gehiago04
Hiriaren sinboloa
Informazio gehiago05
Art District & beste museo batzuk
Informazio gehiago01 Gune
Ondare historiko-artistikoa
Alde Zaharra edo Zazpi Kaleak (Somera, Artekale, Tenderia, Belostikale, Harategi Zaharra, Barrenkale eta Barrenkale Barrena) Bilboko auzorik zaharrena eta jatorrizko gunea da, Bilbo Zaharraren ondoan.
Multzo historiko-artistiko izendatuta dago, bertan Plaza Berria eta hiriko eraikin adierazgarrienetako batzuk daudelako, hala nola Arriaga Antzokia, Bidebarrietako Liburutegia, Burtsa, Atxuriko geltokia eta Santiago Katedrala. Merkataritza-indarra, berriz, bostehun establezimendu inguruan islatzen da. Horietatik, Erriberako Merkatua nabarmendu daiteke, Europako hornidura-plaza estalirik handiena. 1979tik gune hori oinezkoentzako gunea da.
Bilboko gune bohemioa
Bilboko Itsasadarraren bestaldean, Bilbo Zaharra dago, Bilboko eremurik bohemioena.
Bertako kaleetan, hainbat denda, taberna eta jatetxe aurkituko dituzu, autore-sukaldaritza, moda eta artea uztartzen dituztenak. Era askotako estiloak eta gaiak lantzen dituzten nazioarteko artistek margotutako horma-irudi ugaritan ere islatzen da hori bera. Hori guztiaren emaitza auzo sutsua da, garagardoaz eta pintxoez gozatzeko giro aparta duena!
02
EL REFLEJO DE UN BILBAO EN EXPANSIÓN
Hedatzen ari den Bilboren isla
Hiriaren etengabeko garapen ekonomiko eta sozialaren ondorioz, Bilbao hirigintzaren aldetik ere hedatuz joan da, jatorrizko guneen mugak gaindituz eta Zabalgunea sortuz.
Gaur egun, gune hori hiriko finantza- eta merkataritza-gune gisa finkatu da, eta bertan, hainbat arkitektura estilo ikus daiteke (fatxada modernistak, eraikin funtzionalak, estanpa barrokoak, neogotikoak, arrazionalistak, menditsuak edo euskal estilokoak). Eklektizismo hori Bilbok egin dituen moldaketen ondorio da, Bilbo beti hiri modernoa eta aurrerabidezkoa izan denaren adierazgarri.
Zabalgunean, hauek ezagutu daitezke: Abandoko Geltokia
Hiriko historia eta ohiturak kontatzen dituen beirate handiagatik ezaguna; Konkordiako Geltokia, eraldaketaren aurreko Bilbao industrial eta grisaren erdian distira egiten zuen bitxi arkitektonikoa; eta Bilboko Kale Nagusia apaintzen duten beste eraikin eta jauregi dotore batzuk.
03 Berria
HIRI GARAIKIDEA ETA BERRITZAILEA
Mendearen bukaeran hiriak abiarazitako eraldaketa prozesuan, arkitektura nagusitasuna irabazten joan zen, hiri garaikide eta berritzailea den Bilboren irudi berria izatearen papera betez. Hauek dira hirian ikus daitezkeen berriki eraikitako edo berreskuratutako eraikinetako batzuk:
Azkuna Zentroa - Alhóndiga Bilbao
Isozaki Atea
Bizkaia Frontoia
04 Bilbao Museoa
Hiriaren sinboloa
Frank Gehryk diseinatutako eraikin honek Nerbioi ertzean ainguratutako itsasontzia sinbolizatzen du, eta antzinako Zuren Konpainiako lurretan dago kokatuta.
Hala, XX. mendearen bigarren erdiko eraikinik onena gisa hartuta, Guggenheim Bilbao Museoa hiriaren eta haren eraldatze-prozesuaren sinboloa da, haren presentziak erabat aldatu baitzituen eremua eta haren irudia. Arkitektoaren hitzetan, eraikina “izan zen portuan eta den hirian” oinarritzen da.
Milioi bat bisitari baino gehiago
Museoa 1997an inauguratu zen eta urtean milioi bat pertsonek baino gehiago bisitatzen dute, 20 galeriatan banatutako arte garaikideko lanak ikusteko.
Horrez gain, Guggenheim Bilbao Museoaren inguruan paseatzeak merezi du baita ere, gizarte-, kultura- eta kirol-elkargune erakargarri bihurtu diren berdegunez eta plazaz inguratuta baitago.
05 Art
& BESTE MUSEO BATZUK
Art District
Itsas Museoaren, Albia lorategien, Kolon Larreategi kalearen eta Abandoibarra pasealekuaren artean Bilbao Art District dago.
Bilboko arte-galeria garrantzitsuenak, zaharberritze-tailerrak eta antzinako liburutegiak dauden tokia. Gaur egungo artisten (Dalí, Chillida, Koons, Bourgeois edo Kapoor) aire zabaleko eskulturak ere badaude, sinaduradun arkitekturak (Gehry, Calatrava, Siza, Ferrater edo Isozaki) multzoa biribiltzen duen ingurunean.
- Informazio gehiago: Bilbao Art District
Artea aire zabalean
Euskalduna Jauregitik Bilboko Udaleraino itsasadarraren ertzetik doan ibilbidean zehar artea indarrez eta etengabe ematen da aditzera, baina hiriak bere osotasunean eskaintzen du aire zabaleko artelan ugari.
Bilbon dago hiri-parke eskultoriko onenetako bat, garai eta estilo desberdinetako ia 150 eskultura dituena. Kaleak, enparantzak eta lorategiak apaintzen dituzten eskulturak, eta hirian ongi integratuak daudenak.
- Informazio gehiago: Artelanen Mapa
Beste museo batzuk
Bilbok badu museo eskaintza handia. Askotariko gaiak eta kontzeptuak lantzen dituzten hamaika museo ditu, eta bertan tokiko historia ezagutu, arte unibertsalean sakondu eta giza sormenaz gozatu ahal izango duzu.
Hauek dira museo horietako batzuk:
- Arte Ederretako museoa
- Euskal Museoa
- Itsasmuseum Bilbao
- Arkeologi Museoa
- Bilboko Berreginen Museoa
ZER EGIN
01
Nazioarteko gastronomia
Informazio gehiago02
Bilboko Eraztun Berdea
Informazio gehiago03
Bilbao, gune pribilegiatua
Informazio gehiago01 jatera joan
Nazioarteko gastronomia
Euskal gastronomiak ospe ona lortu du nazioartean, eta pintxoak dira bere adierazgarririk onena. Horregatik, Bilbon zaudenean, ez ezazu pintxoak jatera joateko aukera galdu; hau da, tabernaz taberna mokadutxoak jatea. Taberna horietan bilbotarrak elkartzen dira lagunartean denbora igarotzeko.
Pintxoak jatera joateko gune batzuk hauek dira: Alde Zaharra, 200 taberna baino gehiago dituena; Poza Lizentziatua kalea, San Mames futbol-estadiora daraman tabernaz beteriko kalea; Diputazio kalea, pintxoaren ibilbidearen erdigunea; eta Erriberako Merkatua (Europako azoka estalirik handiena), azoka eta gastro-tabernak konbinatzeagatik Bilboko oso gune berezia.
02 ibilbidea
24 m2 berdegune biztanleko
Eraldaketa prozesuaren ondorioz, Bilbao gune berdeak berreskuratuz joan da, bai hiri-parkeetan eta bai baso-parkeetan ere, biztanleen gozamenerako. 1999an, pertsona bakoitzeko 6 m2 zauden eta, gaur egun martxan dauden proiektuak amaitutakoan, 24 m2 egongo dira pertsona bakoitzeko.
Bilboko Eraztun Berdea
Baso-parkeak Bilboko Eraztun Berdean biltzen dira. Bertatik, Bilboko Ibilbide Luzea (GR) egin daiteke, Artxanda, Avril mendia, Arnotegi, Pagasarri eta Arraiz parkeak zeharkatzen dituena; hiriaren ikuspegi ederrak daude bertatik. GR horretara Bilboko erdigunetik sar daiteke, adibidez, Artxanda menditik, zentroa aisialdi naturaleko eremu horrekin lotzen duen funikularra erabiliz. Handik, hiriko ikuspegi ederrenetariko bat ikus daiteke.
03 ingurunea
Bilbao, gune pribilegiatua
Bilbao inguru pribilegiatuan dago: hondartzatik, naturguneetatik eta beste leku historiko batzuetatik hurbil. Bilborako bisitari ahalik eta etekin handiena atera nahi badiozu, zatoz kostaldea, Erdi Aroko hiribilduak eta naturguneak ezagutzera.
Kostaldea
Uda-garaiko plana izan arren, goza ezazu Bilbotik hurbil dauden hondartzen paisaiez; surflariek oso gogoko dituzte hondartza horietako batzuk. Joan zaitez haraino metroz.
Erdi Aroko hiribilduak
Bilbotik oso hurbil, ondare-aberastasun handiko herriak daude, Bizkaiko historiako gordailuzainak direnak. Bertan, hainbat lurraldetako eraikin erlijiosoak bisitatu ahal izango dituzu, harriztatutako kale estuetan ibili, eta nekazari-etxeak edo luxuzko jauregiak ezagutu.
Naturguneak
Bilboko meatzaritzaren adibide bat Zugaztieta da, burdin minerala ateratzen zen herria, gaur egun, aisialdirako gune bihurtzen ari dena. Azken urteotan, ingurumena, paisaia, historia eta kultura berreskuratuz joan da. Inguru horretara gerturatzeko, Larreineta auzoraino funikularra erabiltzea gomendatzen da. Garraiobide hori 1926koa da, eta Bilboko Abraren ikuspegi ederrak ditu.
