Babesleak

Platinezko Babesleak

Repsol energiaren balio-kate osoan dagoen enpresa globala da. Europako fintze-sistema eraginkorrenetako bat izateaz gain, emisio gutxiko energia elektrikoa sortzeko aktiboak tratatzen ditu, eta energia berriztagarriko proiektuak garatzen ari da.

Repsol mugikortasunean liderra da, eta aitzindaria da garraiorako soluzio eta energia berriak lortzen laguntzen duten ekimenen berrikuntzan eta garapenean. Enpresa garraiorako eta mugikortasunerako energia soluzio berrien mixean laguntzeko hainbat ekimenen buru da, hala nola hidrogeno berdea edo emisio neutroen erregai sintetikoak bezalako soluzioekin; eta gidariei aukera gehiago eskaintzen dizkieten eta baliabideen erabilera partekatua sustatzen duten zerbitzuak eta aplikazioak garatzen ditu. Ibilgailu elektrikoak kargatzeko Espainiako sare publiko zabalenean parte hartzen du, IBILen bidez. Enpresa horren jabeak Repsol eta Energiaren Euskal Erakundea (EEE) dira (% 50 bana), eta gidariei aukera gehiago eskaintzen dieten eta baliabideen erabilera partekatua sustatzen duten zerbitzuak eta aplikazioak garatzen ditu, adibidez, carsharing.

Gainera, Repsolek AutoGas hornitzeko Espainiako sarerik handiena du, munduko erregai alternatibo erabiliena. Repsol Technology Lab-en, enpresak mugikortasunarekin eta garraiorako soluzioekin lotutako proiektu asko garatzen ditu, kalitate eta eraginkortasun handiena eskaintzen dutenak. Teknologia eta digitalizazioa Repsolen oinarria dira. Hainbat diziplinatan punta-puntakoak diren proiektuak ditu, eta horiei esker, erreferentzia bihurtu da energiaren sektorean berrikuntzan, jasangarritasunean eta eraginkortasunean.

BBK Fundazioak lurraldeko jasangarritasunaren aldeko konpromisoa erakutsiko du SUM Bilbao-ren bigarren edizioan.

BBK, Bizkaiko garapen eta aurrerapenarekin konprometitutako banku-fundazio gisa, aspaldi ari da lanean ingurumenaren eta lurraldearen garapen jasangarriaren alde. Beste proiektu batzuen artean, bultzada berritzaileak eskaintzen dituzten Bizkaiko start-up-ak sortzen lagundu du, energia berriztagarrien sormena garatzen edo energia-trantsizioa sustatzen duten proiektuak finantzatuz.

Edizio berri honetan, BBKk berriro parte hartzen du babesle nagusietako bat gisa, Platinum kategorian. Bere parte hartzea oso adierazgarria da; izan ere, Garapen Iraunkorreko Helburuak (GIH) betetzeko interesa adierazteaz gain, mugikortasun jasangarriaren eta finantza-eremuaren arteko lotura indartzeko aukera ematen du.

Urrezko Babesleak

Logo_Bizkaibus

Bizkaibus bidaiariak errepidez garraiatzeko Bizkaiko Foru Aldundiak kudeatzen duen zerbitzu publikoa da. Bizkaiko lurralde osoa egituratzen du hiri arteko ibilbide sare eraginkor baten bidez; azken urteotan, erabiltzaileen eta kilometroen kopurua etengabe handituz joan da.

Bizkaibusek estatuko flota iraunkor, eraginkor eta modernoenetako bat dauka, 338 autobusez osatua; autobusen batez besteko adina 5,6 urte da, eta haien % 12 hibridoak dira. Gainera, Bizkaibusek 2022. urterako ibilgailu elektriko bi lizitatzeko lanak hasi ditu, eta horretarako probak aurten egin ditu. Garraioak eta Mugikortasun Jasangarria Sustatzeko Sailak Bizkaian ingurumena errespetatzen duen mugikortasun  garbiagoa sustatzeko egin duen apustuaren barruan dago hori guztia.

210421_Irizar e-mobility_Color_Horizontal_Sin claim

Mugikortasun jasangarria funtsezko faktorea da energia-trantsiziorako eta Garapen Iraunkorreko Helburuen eta Agenda 2030ren lorpenerako. Hori dela eta, Irizar e-mobilityk elektromugikortasuneko giltza eskura soluzioak diseinatzen eta fabrikatzen jarraitzen du, garraio publiko jasangarria, eraginkorra, adimentsua, irisgarria, segurua eta konektatua lortzeko.

Jasangarritasunarekin eta ingurumenarekin konpromiso sendoa du taldeak, eta bere helburua soinu-, kutsadura- eta CO2-emisioak murriztea da; modu honetan, hiri garbiak sortzeko eta herritarren bizi kalitatea hobetzeko. Oso harro, Irizar e-mobility SUM Bilbao-ren bigarren edizioan izango da berriz ere; izan ere, biltzarraren ardatz tematikoak bat datoz haren estrategiarekin.

AF_ALSA_POS_RGB

Modu anitzeko mugikortasun jasangarri eta konektatuaren konpainia den aldetik, Alsa bat dator gizartearen, administrazioen eta eragileen helburu komunarekin: mugikortasun jasangarrirantz aurrera egitea, gure hiri eta eskualdeetan kalitate handiagoko ingurunea izan dadin, GIHek eta 2050ean emisioen neutraltasuna lortzeko EBk ezarritako Green Deal-ek ezartzen duten bezala. Erronka horren aurrean, zero emisioko flotetaranzko trantsizio-prozesuan aitzindari izan nahi du Alsak.

Bilbobuseko eta Bizkaibuseko operadore gisa, Alsa ezinbesteko parte-hartzailea zen SUM Bilbao-ren edizio berri honetan. Izan ere, bertan, mugikortasun elektrikoaren arloan izandako esperientzia arrakastatsuak aurkeztuko ditu, hala nola Bilbao, eta hidrogenozko autobusetan egindako proiektuak, trantsizio ekologikoan eta etorkizuneko mugikortasunean giltzarri izango den teknologia.

210430_logo estandar

Eusko Jaurlaritzako Garraio Saila Mugikortasun Iraunkorraren Legearen aurreproiektua izapidetzen ari da. Zirriborroak hauen aldeko apustua egiten duen eredua ezartzen du: mugikortasun aktiboa (oinez edo bizikletaz), garraio publikoaren bultzada ibilgailu pribatuaren aurrean, garraio publikoko tituluen elkarreragingarritasuna sistema integratu intermodal batean, mugikortasun jasangarriaren ikuspegiaren bultzada hirigintzatik udalerrietan, eta trenbideko garraioaren sustapena. SUM BIO21 izenekoan, sektore publiko, pribatu, enpresarial eta akademikoko ordezkariak elkartuko gara, eta bertan partekatu, ekarpenak egin eta ikasi egingo dugu. Horrela bakarrik izango gara gai etorkizuneko mugikortasuna jasangarritasunaren ikuspegitik eraikitzeko.

Zilarrezko Babesleak

Logo Ibil

IBIL 2009an sortu zen, Repsolen eta Energiaren Euskal Erakundearen (EEE) arteko lankidetza-hitzarmen baten ondorioz; bere helburua ibilgailu elektrikoen birkargaren sektorean teknologia, zerbitzuak eta gaitasunak garatzea eta jasangarritasun ekimenak gauzatzea da. Gaur egun, IBIL erreferentziazko enpresa da ibilgailu elektrikoa birkargatzeko teknologiaren esparruan, bai Espainian eta bai Portugalen ere. Industria-bokazio teknologikotik abiatuta, teknologia hornitzaileek, birkarga-puntuen fabrikatzaileek, zerbitzu hornitzaileek eta mugikortasun elektrikoan nagusi diren eragileek osatutako ekosistemaren buru da IBIL; ekosistema horren helburua bezeroentzako zerbitzurik onena bermatzea eta energia-trantsizio antolatu eta eraginkorra bultzatzea da.

Kapsch Claim RGB

Kapsch TrafficCom mugikortasun jasangarrirako garraio soluzio adimendunen nazioarteko hornitzailea da. Bidesariaren, bidesari-zerbitzuen, trafikoaren kudeaketaren eta eskariaren kudeaketaren arloetan dituen soluzio berritzaileek zirkulazio-pilaketarik gabeko mundu osasuntsu bat lortzen laguntzen dute.

Nazioarteko erakundeek, hiriek, estatuek, errepideetako operatzaileek eta ibilgailu fabrikatzaileek trafiko emisioak murrizteko helburua finkatu dute. Kapsch TrafficCom harro dago helburu hori lortzen laguntzeaz, teknologia berritzaileak eta mugikortasuna kudeatzeko irtenbide aurreratuak garatuz eta ezarriz, helburu argi batekin: pertsonei beren lekuetara eroso, seguru, eraginkor eta puntualki iristen laguntzea. Balio-kate osoan zehar, ikuspuntu jasangarriari eusten dio ingurugiroa babesteko asmoarekin.