Felipe VI.a Erregea SUM Bilbao Biltzarraren 2021eko edizioaren inaugurazioan izango da, urriaren 6an Bizkaiko hiriburuko Euskalduna Jauregian.
Erregeak bi eguneko ekitaldiari emango dio hasiera. Bi egunetan zehar, tokiko, estatuko eta nazioarteko 90 aditu elkartuko dira hiriek mugikortasun jasangarriagoa sendotzeko dituzten erronka eta aukera nagusiei heltzeko. Aldi berean, irtenbide berritzaileak aurkeztuko dira, hiri-mugikortasun jasangarriaren kate osoko eragileek aurrera egin ahal izan dezaten, energia hornitzetik pertsonen joan-etorrietara eta azken miliara.
Kongresuak sektore publikoan eta pribatuan jarduteko eta erabakiak hartzeko gaitasuna duten eragileen arteko elkarrizketa eta lankidetza sustatzen du, eta enpresa-sarearen gaitasun teknologikoei eta irtenbide berritzaileei balioa ematen die, hiri-mugikortasun jasangarriak Europan eta Iberoamerikan dituen erronkei erantzuna emate aldera.
