CGLUren (Hiri eta Tokiko Gobernuen Sarea) parte hartzea SUM Bilbao 21 ekitaldian beharrezkoa da hiriak mugikortasunari buruzko elkarrizketa publiko-pribatuaren buru izan daitezen, konpromisotik ekintzara igarotzeko eragileen arteko sinergiak sortzeko helburuarekin. Horregatik, CGLU Biltzarrean izango da Lead Partner gisa.
CGLU tokiko eta eskualdeko gobernuen eta haien elkarteen nazioarteko erakundea da, eta horien ahotsak defendatu eta zabaltzeaz arduratzen da mundu mailan. Bere parte hartzea oso garrantzitsua da, ez bakarrik bere kideek munduko populazioaren % 70 baino gehiago ordezkatzen dutelako, baizik eta SUM Bilbao 21 bezalako guneetan elkarrizketaren, tokiko demokraziaren, elkarlan deszentralizatuaren eta ezagutza trukearen aldeko apustua egiten duen erakundea delako. Bere helburua Garapen Iraunkorreko Helburuak (GIH) betetzean aurrera egitea da, eta baita herritar guztiek mugikortasuna eta energia bezalako oinarrizko zerbitzuak eskura izatea ere.
