- Ugaldebietan (Abanto-Zierbena), Repsolek duen hornitegian jarritako instalazioa lehena da Europan ibilgailua 400 Kw-eko potentzia kargatzeko aukera ematen.
- 2019. urtean, konpainia multienergetikoak bere hornitegietan karga ultrarina inauguratzen duen bigarrena da. Lehena apirilean inauguratu zuen, Lopidanan (Araba).
- IBIL, azpiegitura hau garatzeaz arduratzen den enpresa, Ingeteam, kargatzeko sistemaren hornitzailea eta Ormazabal, eraldatzeko zentroaren arduraduna, euskal enpresekin batera, izan dira Europan bakarra den sistema honen garatzaileak.
- Hornitegi honetako kargatzeko ekipoek bermatzen dute bertan dagoen potentzia eskuragarri guztia era egokian banatzeko, kargatzeko konektatuta dauden ibilgailu guztien artean.
- Instalazio honen inaugurazio ekitaldian Josu Jon Imaz Repsoleko kontseilari delegatua, Emiliano López Atxurra Ibileko presidentea, Unai Rementeria Bizkaiko ahaldun nagusia, Maite Etxebarria Abanto-Zierbenako alkatesa
Repsolek ibilgailu elektrikoa kargatzeko Europan potentzia handiena duten terminalez hornitutako gunea inauguratu du. Ugaldebietako hornitegian, Abanto-Zierbenako herrian dagoen instalazio horrek 400 kW-eko potentzian kargatzeko gai diren lau terminal ditu. Horiei esker, gehieneko potentzia onartzen duten ibilgailuen bateria bost eta hamar minutuen artean kargatzeko aukera izango da, gasolina hartzeko modu konbentzionalean ematen den denbora bertsua.
Orain arte, Europan auto eta kamionetarako azpiegiturak 350 kW-eko potentziara iritsi dira; beraz, zerbitzugune hau punta-puntakotzat jo behar da ibilgailu elektrikoa kargatzeko teknologiei dagokienez. Gainera, kargatzeko ekipo horiek bermatzen dute instalazioan erabilgarri egoten den potentziaren banaketa egokia, konektatuta egon daitezkeen lau ibilgailuen artean.
Inaugurazio ekitaldian Josu Jon Imaz Repsoleko kontseilari delegatua, Emiliano López Atxurra Ibileko presidentea, Unai Rementeria Bizkaiko ahaldun nagusia, Maite Etxebarria Abanto-Zierbenako alkatesa eta Iñigo Ansola EEE-ko zuzendari nagusia izan dira.
Josu Jon Imazen iritziz, “Karga ultrarina egiteko bigarren gune honek aukera ematen dio Repsoli erreferente bat izaten jarraitzeko mugikortasunaren alorrean, Espainian, herrialdeko birkargatzeko sare elektriko publiko handienean parte hartzen ari dena jada. Gaur inauguratzen ari garen Ugaldebietako instalazio honek agerian uzten du Repsolen apustu sendoa produktua eta zerbitzu berrien garapenaren eta sustapenaren alde, betiere bezeroen beharretara egokituz”.
Ibil, Repsolen eta Energiaren Euskal Erakundearen partaidetza duen enpresa arduratu da proiektu horren gidaritzaz, kargatzeko sistema horren instalazioaren diseinu eta gauzatzetik, hari lotutako azpiegitura elektrikoak barne, sistemaren eragiketaraino; hartara, nabarmentzeko mugarri teknologikoa ezarri du. Horretaz gain, kargatzeko alderanzgailu terminalak Ingeteam enpresak fabrikatu ditu eta eraldaketa zentro osoa Ormazabal enpresak egin du. Hori horrela, instalazio horiek nazio-teknologia daukate.
Ugaldebietako hornitegiko potentzia handia kargatzeko terminalak nabarmentzekoak dira potentzia handiagatik ez ezik, energiaren baliabide barreiatuen integrazioa erraztegatik ere, hala nola sorkuntza berriztagarria eta energiaren metaketa. Hau da, zerbitzugune horretan erabili ahal izango dira eguzki-plakak eta energia metatzea xede ezberdinei begira, adibidez, ibilgailu elektrikoak kargatzeko, edo energia hori une egokian sare elektrikora bideratzea, etxebizitzak eta industriak elikatzeko. Era horretan, ibilgailuen emisio kutsatzaileak desagerrarazteaz gain, horiek elikatzeari begira sortzen den energiaren inguruko emisioak murriztu edo deuseztatu daitezke.
Gaurko inaugurazioaren ondoren, Repsolek karga ultrarina egiteko gune bi ditu, karga arina egiteko beste 36 gune. Gainera, Ibilen bitartez, 1.700 gune baino gehiago duen sare batean parte hartzen du; gune horietatik, 230 sarbide publikokoak dira. Konpainiak karga ultrarina egiteko gune berriak instalatzea aurreikusten du datozen hilabeteetan.
Repsol On
Ugaldebietako hornitegia erreferentziazko leku berritzailea izango da, kargatzeko sareari zein gainerako instalazioei dagokienez; izan ere, hantxe bertan Repsol On establezimendua zabaldu du Repsolek, saltoki kontzeptu berria zerbitzugune batean, jaki osasuntsuak eta kalitate handiko zerbitzuak emateagatik ezaugarritzen dena, bezeroen premietara egokituta, eta hornigai edo erregai hartu beharrik gabe.
Birkarga elektrikoko guneak Repsoleko hornitegietan
Informazioiturria: Petronor
